Jikr tera hote hi aankhen nam ho jaati hai…
Aaj bhi tere dukh se meri dhadkan tez ho jaati hai…
Jitni himmat hai meri utna to sath diya hi hai…
Ye uljhan teri, meri hi wajah se hai…Aaj pehli baar jeene ka dukh hua hai mujhe...
Khushiyan mai tujhe deti hun, gam kyu sath mai aata hai...
Dil ki kabr se uth ke tujh tak pahuch jata hai…
Sach maan subah ki pehli kiran hawa ka pehla jhoka dena chahati hun...
Teri mathe ki lakeeron se wabasta hona chahati hun...
Kya apni chahato ka bojh tujpe maine dala hai ??
Tujhe yu tadapte dekh meri chahat ne mera gala ghot dala hai…
Kuch nagawar palaon ne mujhe bhi tadpaya hai…
Who pal tujhse jake mile, mera kaha thukraya hai…
Ek baar bharosa kar mujhpe… un palon ko mana lungi mai…
Teri uljhan khatam na ho jab tak, sath tera dungi mai…